I hate but with love - poem

.
..I hate but with love..
.

Kaise Mai roku alfaj ko apni,
Mai v to tumpe marta hoon.
Yaad karta hoon, shayad jaroorat se jyada,
Par tujhse kahne se darta hoon.

Kya kahoon un lamho ko Mai v,
Jinme tune hai madhosh kiya.
Khokar sood-bood, aur pagalpan me,
Maine v kya-kya hai kar diya.

Pyar nahi to dosti hi sahi,
Chhal kuch v to tu mujhse v kar.
Kuchh aur nahi to dushmani hi kar le,
Kambakht is dil se tu v aa jal.

Pyar aur nafrat ek hi sikke ke do pahlu hai,
Ek tadpaye aur ek jalaye.
Dono hi surat me keemat barabar hoti hai,
Chahe chit aaye ya pat aaye.

Jab pyar karta hoon to door nahi rah sakta,
Aur jab nafrat karta hoon to karib me.
Sikke ke pahluwo ko badala ja sakta hai,
Kyuki pahluwo ko badalkar dekha hoon mai.

Tumse pyar karoon ya nafrat,
Tum dono hi surat me ajeej ho.
Khone se darta hoon dono hi surat me,
Us pal chahe pyar karoon ya dushmani ho.

Wafa ki chahat tum mujhse na karna,
Wafa dikhana koi majak nahi.
Bahoot gahra hota hai pyar ka samandar,
Mujhe gote lagane ka koi shouk nahi.

.

-|¤v Krishna.
12/04/2016