AnAlone Krishna

 Mrityu life ki sabse bada sacchai hai. Koi kitno v is se door bhagna chaahe par, mrityu aur v karib aa jaati hai. Log har pal mrityu se bachna chahte hai taaki wo jee sake. Aur natija yah nikalta hai ki wo mrityu se pahle hi jindagi me har pal marr rahe hote hai. Lekin wahi agar yah soch kar jiye ki aaj ka din, avi ka pal mujhe mila hai taki mai kuch pal aur jee saku to....., yah yahi hoga ki harpal maut ka intjaar kar raha ho. Par is se kam se kam do chij to ho hi jayega ki, hum maut se nahi darenge, aur aaj me jiyenge.

Mai ek farmer familiy se belong karta hoon. Aur mere family ka source of income v farming hi hai.
Mera ek 'amrud' ka ped tha. Jab uska ek daal sukh gaya to mere papa ne us daal ko katwa diya. Jab dusra daal sukh gaya to dusre daal ko v katwa diya. Aisa karte-karte adha se jyada daal kat gaye. Uske baad papa ne pure ke pure ped hi katwa diye. Aur uske jagah par dusra ped lagwa diya.

Bagwaan Buddh ne aatma ke astitwa ko nakaara hai, parantu punarjanm ko swikara hai. Unka maan na tha ki hamaari smriti(soch/yaadein) hi hamaare punarjanm ka aadhar banti hai.

Kavi v hamare jeewan koi ghatna bura bit ta hai to wo aane waale behtar jeewan ka niw rakhata hai. Jab mere dadaji jinda the to mai har chij ke liye unse jidd karta tha. Maa-baap se jyada laad-dular Dada-dadi karte hai na. But ab dhire dhire jimmedariyo ko samajhne ka kosis kar raha hoon. Bhale unhe utha na paao par samajhne ka kosis kar raha hoon.

Life sabko alag-alag tarah se ab tak teach karta aaya hai. Mujhe alag, tumhe alag, aur baakiyo ko v alag tarah se. Hamaari soch kavi v ek nahi ho sakti. Haan, ek jaisi jaroor ho sakti hai. Jindagi me aisi kai bandishe hai jinse mai kavi aajaad nahi ho sakta. Isliye mujhe kya karna hai, kya nahi, iska faisala hamesha mai hi lunga. Tumhara sun sakta hoon, par karunga wahi jo mujhe us pal ke liye sahi lage. Chaahe puri duniya mujhe us kaam ke liye galat samjhe.

-AnAlone Krishna
3/8/2017